અમેરિકા બાજુ સ્ટેટ પાર્ક છે, તો કેનેડા બાજુએ ‘ક્વિન વિક્ટોરિયા પાર્ક’ આવેલો છે. એમાંથી પણ ત્રણેય ધોધ જોઈ શકાય છે. આ પાર્કમાં વર્ષે શિયાળામાં અહીં ફેસ્ટિવલ ઓફ લાઈટ યોજાય છે, જે પ્રવાસીઓ માટે મોટું આકર્ષણ બની રહે છે. બાકી રોજ સાંજ પડ્યે ધોધ પર વિવિધ કલરની લાઈટના શેરડાથી રંગછટા ઉભી કરવામાં આવે છે. જાણે વિવિધ કલરનું પાણી એક સાથે વહેતું હોય એવું એ દૃશ્ય પ્રવાસીઓ ક્યારેય ભૂલી ન શકે.