ઉજ્જૈનનું મહાકાલેશ્વર મંદિર આખા દેશના શિવભક્તોમાં લોકપ્રિય છે. એમાં પણ ત્યાં થતી ભસ્મ આરતીમાં ભાગ લેવા તો લાંબી લાઈન હોય છે. એ મંદિર સાંકડી જગ્યામાં હતું. તેનું રિનોવેશન કરીને હવે આખા વિસ્તારને મહાકાલ લોક નામ આપવામાં આવ્યું છે. માટે અહીં વર્ષે દોઢ કરોડ ભક્તો આવે છે તેના બદલે 3 કરોડ જેટલા ભક્તો સમાવી શકાશે.
- સમગ્ર કેરિડોર પાછળ રૃપિયા 865 કરોડનો ખર્ચ કરાયો છે.
- આખો વિસ્તાર 47 હેક્ટરમાં ફેલાયેલો છે.
- ભક્તો 946 મીટર લાંબી કેરિડોરમાં થઈને મંદિર સુધી પહોંચી શકશે.
- પ્રવેશ કેરિડોરમાં 25 ફૂટ ઊંચી અને 500 મીટર લાંબી દીવાલ બનાવાઈ છે.
- દીવાલ પર ઠેર ઠેર શિવમૂર્તિઓ, શિલ્પો, ચિત્રો છે.
- કુલ 108 શિવ સ્તંભોનું નિર્માણ કરાયુ છે.
- મંદિર પરિસરમાં કમંડળ કૂંડ, લેકફ્રન્ટ, ઓપન એર થિએટર વગેરે સુવિધાઓ છે.
- દીવાલ પરના ભીંત શિલ્પોમાં શિવ પુરાણની કથાઓ વણી લેવાઈ છે.
- ભસ્મ આરતી પછી શિવલિંગનો દેખાવ અમુક અંશે ડરામણો લાગતો હોય છે. માટે આ સૌથી વધારે પ્રભાવશાળી મહાદેવ મંદિર પણ ગણાય છે.
- ઉજ્જૈનની ક્ષીપ્રા નદીના કાંઠે દર 12 વર્ષે કુંભ મેળો પણ ભરાય છે. ત્યારે દેશ વિદેશમાંથી કરોડો ભક્તો અહીં આવે છે.
- ગુજરાતથી ઉજ્જૈન નજીક હોવાથી પ્રવાસીઓ શનિ-રવિની રજામાં પણ ત્યાં જઈ શકે છે.
